ამა წლის 9 და 10 ივნისს ქ. ქუთაისში და ქ. თერჯოლაში ჩატარდა შესარჩევი კომისიის სხდომები, სადაც გამოვლინდა მცირე ბიზნესის მხარდაჭერის მიზნით გამოცხადებული საგრანტო კონკურსის გამარჯვებულები.

სულ კონკურსის ჩარჩოში შემოვიდა 99 პროექტი, აქედან 40 თერჯოლის რაიონიდან, 43 წყალტუბოს რაიონიდან და 16 ხონის რაიონიდან. შერჩევის წინასწარ ეტაპზე კონკურსს გამოეთიშა 24 წარმოდგენილი პროექტი, ვინაიდან აღნიშნული განაცხადები არ შეესაბამებოდა შერჩევის კრიტერიუმებს და არ შეიცავდა ძირითად მოთხოვნილ ინფორმაციას. ადგილზე ვიზიტისა და გასაუბრების ეტაპზე კონკურსს გამოეთიშა კიდევ 22 განაცხადი, ვინაიდან გამოვლინდა წინაპირობების ნაკლებობა პროექტის წარმატებისათვის. შერჩევის შემდეგ ეტაპზე, ანუ ქულების მიხედვით შეფასებისას კონკურსს გამოეთიშა კიდევ 13 განაცხადი, რომლებმაც მიიღეს სავალდებულო მინიმუმზე ნაკლები ქულები. ბიზნეს ტრენინგის ეტაპზე მოხდა კონკურსში მონაწილეთა ბიზნეს-გეგმების ფინანსური და თხრობითი ნაწილების საბოლოო კორექტირება. ამ ეტაპზე შედარებით სუსტი აღმოჩნდა 7 განმცხადებელი. შერჩევის უკანასკნელი ეტაპს წარმოადგენდა კომისიის სხდომა, რომელშიც PIN-ის წარმომადგენლების გარდა შედიოდნენ ასევე მიზნობრივი თემების წარმომადგენლები და ბიზნეს ტრენერები. 9 ივნისს ქ. ქუთაისში, PIN-ის ოფისში, ჩატარდა კომისიის სხდომა, სადაც განხილული იქნა ხონის და წყალტუბოს რაიონებიდან წარმოდგენილი 18 პროექტი. და მიღებული იქნა საბოლოო გადაწყვეტილება დაფინანსების შესახებ, ხოლო 10 ივნისს ანალოგიური სხდომა ჩატარდა ქ. თერჯოლის ახალგაზრდობის სასახლეში. განხილული იქნა 12 პროექტი, რომელთაგან კომისიის მიერ საბოლოოდ მოწონებული იქნა 10.

თერჯოლის რაიონი

წყალტუბოს რაიონი

ხონის რაიონი

ვულოცავთ გამარჯვებული განაცხადების ავტორებს!